又消失左一排. 而家出現番.

而家晚晚都好晏先訓, 4點幾左右啦,跟住9點起身.唔知點解訓唔著.

人地話UST 係STRESS & TENSION, 呢1個SEM 真係開始感受到. 有好大既壓力.

但自問比起上年既自己MANAGE得好左,

呢排好多野煩, 但又唔係好多人可以幫到自己.

去EXCHANGE啦, 又唔夠分去外國, 去MAINLAND 又好似唔知點咁,

做PLACEMENT 啦, 到底會唔會TAKE-LEAVE一年 去做野再番黎讀YEAR 3. 但係又要揾到公司可以請到我一年先.

揾INTERN啦, 要揾INTERN唔難, 但要揾份好既INTERN真係好難, 自己上莊都用左1整年, 無餘下幾多個SEM BREAK 喇. 好驚再錯過左好多機會, 唔可以亂ACCEPT OFFER

仲有追成績啦, 真係想死.  2個星期有3個PRESENT, 3個REPORTS, 4個MID TERM

而12月頭又AGM了, 下莊就黎成形, 又要忙帶下莊的事.

好多野做.搞到之前想打番排球好似永世都打唔番咁.

心情真係麻麻, 又開始去到一個好迷惘既時候

屋企人同BB, 仲有一班中學同學, 好掛住你地  > <

琴晚做野做到早上7點....跟住11點幾就起左身喇....覺得自己好顛......

有d感覺自己番番去以前既時候..我都係咩都唔理咁搏殺.....呢下感覺...唔知叫好定唔好...

當訓落床o個下..反而訓唔著..因為太陽已經出左黎.....太光..訓唔到..

呢2個星期...一起身o個下. 都會好緊張咁check email. .好想知道一晚後努力既成果...

好想見到 "    I am glad to attend....."  " we will sponsor you..."　

真係好想搞個好好睇睇既annual dinner 出黎呀.. 好想有一班好OC, 好想有好正下莊., 好想有好bsu下莊...

知道大家呢排都做到灰, 但上得BSU 莊就預左係咁. 莊期同人唔同..當其他soc全世界全力prep o camp既時候.

我地就坐莊同時prep成5個functions, 唔可以下下都同人比

況且每個人對"辛苦"既定義都唔同.

最緊要係自己點看待呢件事.

呢個就係其中一個令上BSU莊既人學到好多野既地方

所以我地要加油.. 過左呢段時期, 所有野都會smooth 好多.

往往過程好辛苦既時候..每個人都會埋怨點解得唔到結果

但得到結果既時候.就會發覺過程係最令人回味, 結果已經唔重要

活在當下. 的確無錯.

最近睇左上莊既xanga.好有同感.類似係咁既：

There is no road, but when you walk, there is a road.

亦都諗起以前讀既一句

苦樂全在主觀的心，不在客觀的事．

又諗起一個guest 既說話, 都係終生受用:

沒有最好,只有更好!

對自己著緊既野, 拎個心出黎認真做.

當身邊既人有熱誠既時間. 你慢慢都會被身邊既人感染.

o係莊期入面, 我地講過我地對BSU會有一份持久既熱誠.

我只記得

呢個係我地每一位o係AGＭ 上面既承諾.

不要因為人ｏｒ事既影響, 而忘記左當初既許下既承諾.

我地10個人係一支莊.

呢一年入面, 永遠間唔中個人就會好迷失, 

聽到我既FD o係美國disneyland 做工做得咁開心, 真係好唔想留o係香港,

佢同我講: 我學多左好多英文呀, 跟住講左一堆我唔識既term, 佢仲話日日見到一家大細開開心心咁入黎, 笑住口咁走, 真係好滿足,

聽完o個一下, 真係好想即刻衝過去. 我都好想工作=快樂

點知佢既回應係: 你雖然你得唔到我得到既野,但其實我都得唔到你得到緊既野啦, 你起碼大大小小既場面你都去過......

真係咩, 真係咩,

唔通係因為未落莊, 所以都感受唔到自己學左d咩?

每日起身就o係度打電話, 約guests, follow up, 揾sponsor, 之後練舞, 再做野, send email,

呢d日子已經過左好耐了, 到底自己鍾唔鍾意呢種生活, 連我自己都唔知.

不過人好多時,總係會著眼自己失去左d咩, 唔會諗自己得到d咩掛

真係好希望好希望個o camp 可以搞好, 想有一班好fd既組仔女, 好想見到自己下莊既出現,

睇睇時間, 原來仲有..5個月

前一排心情唔好, 不停咁樣迫自己做野,做到好攰好攰先訓, 起身就做野做野做野...

明知道方法係治標不治本,

日子總要過,

總要行落去, 同自己講, 我撐得住.

要比之前更強.

.eventually, I have overestimated myself,  too much.

而家係科大既barn 度hea 緊等開project會

剛剛考完一科mkt, 都考得幾好呀...第一次準備充足去考,  要maj mkt 一定要拎高分d

前2日終於完成左我地bsu既第一個function , inaug, 好多guest 同 u rep 都話搞得幾好, 所以都幾滿意~~

黎緊就到我做pic 喇. 會更加忙呢. 希望我仍然可以想番多d堂,追番我既cga.~~

呢排都無時間去行街, 睇中左好多野都未買呀!!!

唔記得話俾大家知,我揾到2份補習喇, 都係青衣既,補 中四英文, 120/hr 同130/hr, 每個星期補一次呢就有千五元了~~~不過唔好既就係星期日無得出街~~~

琴日番過屋企, 但係第二早就好趕咁出左門口, 都無咩時間同番D朋友見面, 黎緊又就黎有ISMT 既2個考試,  之後再下個星期就係FINANCE同ECON ,唉我D數就差就一定要早過人地溫先會識.

今個SEM既TIME MANAGEMENT好好多了, 每日都有上堂, 交功課同埋可以抽到時間溫下書.

好啦,唔講喇, 準備下PRESENTATION D野先 =)